Qoʻshimcha funksionallar
-
Tungi ko‘rinish
O‘zbekistonda bolalar orasida koronavirusga chalinish holatlari ortmoqda. Pediatrik koykalar zaxirasi yaratiladi
O‘zbekistonda maktablar ochila boshlagani fonida bolalar orasida COVID-19'ga chalinish holatlari qayd etilmoqda. Shu boisdan pediatrik koykalar zaxirasi hozirlanyapti. Bu haqda Koronavirusga qarshi kurash shtabi a'zosi Habibullo Oqilov ma'lum qildi.
«Mana, maktablar ishlashni boshladi. Tabiiyki, kasallanish soni bugunga kelib oshib bormoqda. Ming afsus, O‘zbekistonda oldin bolalar [koronavirus bilan] deyarli kasal bo‘lmayotgandi, hozir bolalar kontingentining ichida ham kasallanish bor.
Shuning uchun biz pediatrik koykalar zaxirasini tayyorlayapmiz. Pediatr kadrlarni ham tayyorlash rejalashtirilgan», – dedi Oqilov «O‘zbekiston 24» telekanaliga bergan intervyusida.
Eslatib o‘tamiz, 17 sentabr kuni O‘zbekistonda voyaga yetmaganlar orasida COVID-19dan birinchi o‘lim holati qayd etildi: Bo‘stonliq tumani G‘azalkent shahrida yashagan 11 yoshli o‘g‘il bola koronavirus asoratlaridan vafot etdi. Bola 2012 yildan buyon surunkali buyrak xastaliklari bilan og‘rigani bois dispanser nazoratida turgan, semizlik va kamqonlik kabi yondosh kasalliklari bo‘lgan.
17 sentabr kuni berilgan ma'lumotga ko‘ra, mamlakatda COVID-19 bilan kasallangan bemorlarni davolash uchun 114 ta muassasada 19 346 ta o‘rin tashkil etilgan. Yana 10 mingga yaqin qo‘shimcha zaxira shifo o‘rinlarini tayyorlash ishlari olib borilmoqda.
Rasmiy statistika bo‘yicha, O‘zbekistonda koronavirusdan davolanayotganlar soni 3300dan ortiq.
Koronavirusga qarshi kurash shtabi O‘zbekiston epidemiyaning ikkinchi to‘lqiniga tayyorligini bildirgan.
Koronavirus O‘zbekistonda
Mavzuga oid
21:43 / 07.04.2023
Inson huquqlari faoli O‘zbekistonda bolalar zo‘ravonligi kamaymayotgani sabablari haqida gapirdi
11:34 / 07.04.2023
Jinoyatga aylangan “oilaviy zo‘ravonlik”, jazosi og‘irlashtirilgan jinsiy tajovuz – ayollar va bolalar himoyasi kuchaytiriladi
10:53 / 18.03.2023
Kattaqo‘rg‘onda bolalarini qiynagan ayolga jinoyat ishi qo‘zg‘atildi
13:05 / 16.03.2023