Fotoreportaj: Prezident O‘qituvchi va murabbiylar kuni arafasida soha vakillariga murojaat yo‘lladi

30 sentabr kuni Toshkentdagi Xalqaro kongress markazida 1 oktabr – O‘qituvchi va murabbiylar kuniga bag‘ishlangan tantanali marosim bo‘lib o‘tdi. Unda prezident Shavkat Mirziyoyev ishtirok etib, nutq so‘zladi.

Bu yilgi tabrik avvalgilaridan farq qilib, murojaat tarzida bo‘ldi. Bungacha prezidentning o‘qituvchi va murabbiylarga kasb bayrami munosabati bilan tabrigi matni e'lon qilinar, uni davlat rahbari nomidan biror maslahatchisi o‘qib eshittirar edi.

Shavkat Mirziyoyev o‘z nutqida ta'lim va ilm-fanni rivojlantirish yo‘lidagi dolzarb masalalar haqida so‘z yuritib, qator vazifalarni belgilab berdi.

Kun.uz fotomuxbiri taniqli siyosatchilar va jamoat arboblari ishtirokida o‘tgan tadbirdan fotoreportaj taqdim etdi.