Qozon, Samara va Novosibirskdan Toshkentga qo‘shimcha charter qatnovlari amalga oshiriladi

PZR ma'lumotnomasiga ega bo‘lmagan yo‘lovchilar aviakompaniyaning parvozlariga qo‘yilmaydi.

Uzbekistan Airways aviakompaniyasi 2020 yil 16 oktyabrda Qozondan, 2020 yil 17 oktyabrda Samaradan va 2020 yil 20 oktyabrda Novosibirskdan Toshkentga qo‘shimcha charter qatnovlari amalga oshirilishi to‘g‘risida xabar berdi.

Rossiya shaharlaridan O‘zbekistonga havo qatnoviga O‘zbekiston, Rossiya va Qirg‘iziston fuqarolariga PZR tekshiruvidan o‘tganligi to‘g‘risidagi ma'lumotnomani (qatnov jo‘nashidan oldin kamida 72 soatdan ko‘p bo‘lmagan muddatda amal qiluvchi) majburiy ravishda taqdim etish sharti bilan ruxsat beriladi. 

Qayd etilishicha, PZR ma'lumotnomasiga ega bo‘lmagan yo‘lovchilar aviakompaniyaning parvozlariga qo‘yilmaydi.

Aviachiptalarni aviakompaniya veb-saytidan, shuningdek, Uzbekistan Airways AJning eng yaqin savdo ofislaridan yoki mintaqangizdagi savdo agentlaridan sotib olish mumkinligi aytilgan.