Tanqiddan so‘ng: Toshloqdagi kasb-hunar maktabi yonida yangi maktab quriladigan bo‘ldi

28 oktabr kuni Kun.uz'da e'lon qilingan «Toshloqdagi qishloq «ikkiga ajraldi» – Tuman hokimining o‘zboshimcha qarori oqibati qanday hal etiladi?» sarlavhali maqolaga tuman hokimligi munosabat bildirdi.

«O‘rganish xulosasiga ko‘ra, Toshloq tumani 1-son kasb-hunar maktabi binosida 50-umumiy o‘rta ta'lim maktabi ham, kasb-hunar maktabi ham 2020-2021 o‘quv yili davomida faoliyat yuritib turishi bo‘yicha chora-tadbirlar belgilab olindi», – deyiladi rasmiy relizda.

Ma'lum qilinishicha, tuman hokimi A.Jo‘raboyev keyingi o‘quv yili boshlangunga qadar 1-son kasb-hunar maktabi yonida yangi maktab qurib foydalanishga topshirilishini aytgan.

Hokim shu yil 12 oktyabrda chiqargan qarori prezident qarorlariga muvofiqlashtirilishini ham ma'lum qilgan.