Moldova Konstitutsion sudi prezident saylovi natijalarini ko‘rib chiqadi

10 dekabr kuni Moldova Konstitutsion sudi noyabrda bo‘lib o‘tgan prezident saylovi natijalarini ko‘rib chiqadi.

“10 dekabr kuni prezident saylovi natijalarini tasdiqlash bo‘yicha Konstitutsion sud yig‘ilishi bo‘lib o‘tadi”, — deyiladi muassasa saytida.

Mamlakat Saylov kodeksiga ko‘ra, Konstitutsion sud saylovning qonunga muvofiq o‘tkazilgan yoki o‘tkazilmaganligi to‘g‘risida xulosa beradi.

15 noyabrda bo‘lib o‘tgan prezident saylovining ikkinchi turida sobiq bosh vazir Mayya Sandu 57,72 foiz, amaldagi prezident Igor Dodon esa 42,28 foiz ovoz oldi. Amaldagi prezidentning vakolatlari 23 dekabrda nihoyasiga yetadi. Yangi prezidentning inauguratsiya marosimi 24 dekabrda bo‘lib o‘tishi mo‘ljallanmoqda.