Rossiyalik sportchilar 2022 yilgacha mamlakat bayrog‘i ostida ishtirok eta olmaydi
Bugun, 17 dekabr kuni Shveytsariyaning Lozanna shahridagi xalqaro arbitraj sudi (CAS) Butunjahon antidoping agentligining (WADA) Rossiyani to‘rt yilga yirik xalqaro musobaqalarda ishtirok etish huquqidan mahrum qilingani sanksiyasi qonuniyligi haqida qaror chiqardi.
CAS bayonotida qayd etilishicha, xalqaro arbitraj sudi cudyalari Butunjahon antidoping agentligining qarori haqqoniyligini qayd etgan bo‘lishsa-da, Rossiya sportiga nisbatan sanksiyalar e'lon qilingan muddatning teng yarmiga qadar qisqartirildi. Shunday qilib, rossiyalik sportchilar 2022 yilning 16 dekabr sanasigacha yirik xalqaro musobaqalarda mamlakat bayrog‘i ostida ishtirok eta olishmaydi. Sportchilar olimpiya bayrog‘i ostida qatnashishi mumkin bo‘ladi.
Bundan tashqari, CAS qaroriga ko‘ra, rossiyalik rasmiy shaxslar e'lon qilingan sanksiya muddati yakuniga qadar xalqaro sport federatsiyalarida rahbarlik lavozimini egallay olishmaydi.
Eslatib o‘tamiz, WADA 2019 yilning 9 dekabr kuni Rossiya sportiga nisbatan 4 yillik sanksiyalarni e'lon qilgandi. Bunga Rossiya tomonidan ketma-ket doping qoidabuzarliklariga yo‘l qo‘yilishi, Moskva aksildoping laboratoriyasi ma'lumotlari soxtalashtirilishi sabab bo‘lgandi.
Mavzuga oid
21:46 / 20.09.2024
Ikkinchi tinchlik sammiti urushga chek qo‘yishi kerak - Zelenskiy
20:54 / 20.09.2024
Rossiyadagi eng ko‘p mehnat muhojirlari O‘zbekiston fuqarolari ekani ma’lum qilindi
20:27 / 20.09.2024
Rossiya O‘zbekistonga GLONASS signalidan foydalanish imkonini berishi mumkin
15:10 / 20.09.2024