Polshada tibbiyot universiteti taniqli shaxslarni navbatsiz emlagani uchun jarimaga tortildi

Sog‘liqni saqlash vazirining so‘zlariga ko‘ra, ular birinchi navbatda emlanadigan shifokorlar sifatida qayd etilgan.

Foto: Zuma \ TASS

Varshava tibbiyot universiteti taniqli shaxslar va siyosatchilarni koronavirusga qarshi navbatsiz emlagani uchun kamida 250 ming zlotiy (70 ming dollar) jarima to‘laydi. Bu haqda mamlakat sog‘liqni saqlash vaziri Adam Nedzelskiy ma'lum qildi.

Vazirning so‘zlariga ko‘ra, bu shaxslar birinchi navbatda emlanadigan shifokorlar sifatida qayd etilgan.

Uning aniqlik kiritishicha, qoida buzilish holatlari tekshiruvning birinchi kunidayoq aniqlangan.

Polshada yanvarning dastlabki kunlarida vaksinatsiya bilan bog‘liq mojaro yuzaga keldi. Jumladan, yevrodeputat Leshek Miller, aktrisa Kristina Yande koronavirusga qarshi emlangani ma'lum bo‘ldi.

Polshada vaksinatsiya 27 dekabrda boshlandi, 15 yanvardan barcha xohlovchilar emlanishi mumkin. Vaksinatsiya bepul va ixtiyoriy ravishda amalga oshiriladi.