Slovakiyada aholining yarmidan ortig‘i koronavirusga tekshiruvdan o‘tkazildi

Qayd etilishicha, 18 yanvardan 26 yanvargacha o‘n yoshdan katta bo‘lgan 2,95 mln nafar slovak test topshirgan. Tekshirilganlarning 1,24 foizida natija musbat chiqqan.

Slovakiyada aholini koronavirusga ommaviy tekshiruvning uchinchi bosqichi nihoyasiga yetdi. Aholisi 5,5 million kishidan iborat mamlakatning qariyb uch million nafar fuqarosi tekshiruvdan o‘tkazildi, deb xabar bermoqda dpa.

Qayd etilishicha, 18 yanvardan 26 yanvargacha o‘n yoshdan katta bo‘lgan 2,95 mln slovak test topshirgan. Tekshirilganlarning 1,24 foizida natija musbat chiqqan.

Koronavirusga test natijasi musbat chiqqanlar 7 fevralgacha ishga borishi yoki tashqarida yurishi taqiqlanadi.

Slovakiyada dekabrda lokdaun joriy etilgan, yanvar o‘rtalarida esa koronavirusga ommaviy test topshirish boshlangandi.