Sadir Japarov Rossiyaga safar oldidan o‘z-o‘zini yakkalash rejimiga o‘tdi

Qirg‘iziston prezidenti Sadir Japarov Rossiyaga safar amalga oshirish doirasida o‘zini yakkaladi.

Japarovning matbuot xizmatida ta'kidlanishicha, uning yaqin kunlarda Rossiyaga safari kutilmoqda. Shu sababli u koronavirus pandemiyasi ortida epidemiologik xavfsizlikka amal qilish maqsadida o‘zini yakkalagan.

Xabarda ta'kidlanishicha, Japarovning Rossiyaga safarining aniq muddati hali noma'lum. Avvalroq diplomatik manba safar 24-25 fevralda amalga oshirilishini ma'lum qilgan.