Bitim haqiqiy yo qalbaki ekanini nega sud emas, soliqchilar hal qilyapti? - ekspert «obnal» haqida

«Obnal ishi»dan maqsad – to‘lmay qolgan budjetni to‘ldirish, deb hisoblaydi soliq bo‘yicha ekspert Nodirbek Xo‘jabekov. Uning fikricha, «obnalchi» firma bilan tuzilgan bitimni qalbaki deb topish bo‘yicha Soliq kodeksida mavhumliklar bor: unda bitim haqiqiy emas deb topilishining asoslari ko‘rsatilmagan. To‘lanmagan QQSni esa soliq majburiyati bor tomon, ya'ni «obnalchi» to‘lashi kerak.