«Sherlar» nihoyat uddaladi. «Paxtakor» Samarqandda tarix yaratgan o‘yindan katta galereya

O‘zbekiston superkubogining yangi sohibi aniqlandi. Samarqandda oltinchi marta o‘tkazilgan superkubok uchrashuvida «Paxtakor» sovrinning amaldagi sohibi «Nasaf»ni mag‘lub etdi. «Paxtakor» uchinchi urinishda o‘z tarixida ilk marta superkubokni qo‘lga kiritdi.

Sobiq «Nasaf» futbolchisi Dragan Cheran boshqa bir sobiq «Nasaf»chi Farrux Sayfiyevning uzatmasidan keyin o‘yindagi yagona golni urdi. O‘yin davomida «Nasaf» agressivroq va faolroq o‘yin ko‘rsatdi. «Paxtakor» esa birgina imkoniyatdan foydalanib, g‘alabani ilib ketdi.

Shu kuni «Nasaf»ga ko‘proq tajriba yetishmadi, to‘g‘rirog‘i, jamoa futbolchilarida. Masalan, qarshiliklar juda ko‘p hujum qilishdi, lekin hujum chizig‘idagi yosh yigitlar imkoniyatlardan foydalana olishmadi. Tribuna.uz muxbirlari uchrashuvni Samarqandda kuzatishdi va quyida superkubok o‘yinidan tayyorlangan fotogalereyani e'tiboringizga havola qilamiz.