Bo‘stonliq, Zangiota va Toshkent tumanlarining ayrim hududlari elektr energiyasidan uziladi 

Bo‘stonliq, Zangiota va Toshkent tumanlarining ayrim hududlari elektr energiyasidan vaqtincha uziladi. Bu haqda "Toshkent HETK" matbuot xizmati xabar bermoqda.

"Toshkent HETK" bosh dispetcherlik xizmati bergan axborotga ko‘ra:

• bugun, seshanba kuni soat 09:00dan 18:00gacha Bo‘stonliq tumani elektr ta'minoti korxonasi tomonidan “Tovoqsoy” MFY hududiga elektr ta'minotini yetkazib beruvchi nimstansiya transformatorida; 
• soat 08:00dan 17:00gacha Zangiota tumanining “Qozoqovul”, “Tariqteshar” MFYlariga xizmat ko‘rsatuvchi 110 kVt.lik nimstansiya "Zangiota" RPNda kuchlanishni tushirish maqsadida; 
• soat 08:00dan 17:00gacha Toshkent tumani elektr ta'minoti korxonasi tomonidan “Sarka”, “G‘ishtko‘prik”, “Guliston”, “Sanoat” va “Nurobod” MFY hududlarini elektr energiyasi bilan ta'minlovchi nimstansiyada ekspluatatsiya texnik ishlari o‘tkazilishi sababli elektr energiyasi vaqtinchalik bo‘lmaydi.

Bo‘stonliq, Zangiota, Toshkent TETKlar yuzaga kelgan noqulayliklar uchun aholidan uzr so‘ragan.