Artel o‘zbekistonliklarni Navro‘z ayyomi bilan samimiy muborakbod etadi

Yangilanish, yasharish ramzi bo‘lmish Navro‘z ayyomi o‘lkamizga qadam bosdi. Bahor tarovatini o‘zi bilan olib keluvchi bu bayram har birimizning ongu tafakkurimizga chuqur singib ketgan va har bir mahallada, har bir oilada xursandchilik, shodu xurramlik bilan nishonlanadi.

Yurtimizning har chetida mahalladoshlar birgalikda yig‘ilib xushbo‘y «jag‘-jag‘» va boshqa bahoriy ko‘katlardan mazali taomlar tayyorlaydi. Milliy taomlarimizga boy dasturxon atrofida qo‘ni-qo‘shni, do‘stu birodarlar yig‘iladi. Azaldan ota-bobolarimizdan bizga meros bo‘lib qolgan milliy o‘yinlarimiz – kurash, arqon tortish, uloq-ko‘pkari esa bayramona kayfiyatni yanada ko‘taradi. Bahor faslining asosiy taomi – lazzatli sumalaksiz esa Navro‘zni tasavvur qilish ham qiyin. Sharqona yangi yilni o‘z ko‘zi bilan ko‘rgan, milliy urf-an'analarimiz bilan tanishgan har bir mehmon bu shodlikni, quvonch hissini bir umrga eslab qolishi shubhasizdir. 

Bu ajoyib kunda Artel barchangizni Navro‘z ayyomi bilan chin yurakdan muborakbod etadi. Barchangizga tinchlik-osoyishtalik, xonadoningizga fayz-baraka, oilangizga baxt-saodat tilaydi. Bahor fasli nafaqat oyna ortida, balki qalbingizda ham doimo hukm surishini tilab qoladi. Barcha ezgu niyatlaringiz, tilaklaringiz amalga oshsin, omad esa Sizga doimo yor bo‘lsin. Navro‘zi olam muborak.

Reklama huquqi asosida