Qozog‘iston poytaxtida koronavirus holatlari o‘sishi sababli reanimatsiya bo‘limlarida joy qolmadi

Nur-Sultondagi davolash muassasalarida koronavirus bemorlari uchun qo‘shimcha joylar tashkil etilmoqda, reanimatsiya bo‘limlari to‘lib bo‘ldi, deb ma'lum qildi Qozog‘iston poytaxti jamoat sog‘lig‘ini saqlash boshqarmasi boshlig‘i Timur Muratov.

"Travmatologiya va ortopediya ilmiy-tadqiqot instituti negizida infeksion statsionar ochishga to‘g‘ri keladi. Afsuski, kasallanish keskin o‘sdi. Mavjud 720ta koyka yetarli bo‘lmay qoldi. Reanimatsiya bo‘limlari to‘lib bo‘lgan!", - deb yozdi Muratov ijtimoiy tarmoqda foydalanuvchilar savollariga javoban.

U aholini sanitariya-epidemiologiya qoidalariga qat'iy rioya qilishga chaqirdi.

Qozog‘iston poytaxti 28 fevraldan buyon koronavirus tarqalishi sur'ati bo‘yicha "qizil" hududda qolmoqda. Shaharda oxirgi sutkada koronavirus yuqtirish bilan bog‘liq 185ta yangi holat qayd etilgan.