Buxoroda «Adliya sayli» o‘tkazildi

Kecha, 30 mart kuni Buxoro shahridagi «Favvoralar maydoni»da tashkil etilgan saylda Adliya va «Madad» NNT hududiy byurosi xodimlari tomonidan mehnat, uy-joy, moddiy yordam, tadbirkorlik masalalari bo‘yicha fuqarolar bilan ochiq muloqot o‘tkazildi.  

Tadbirda xususiy amaliyot bilan shug‘ullanuvchi notariuslar tomonidan 31 nafar fuqaroga huquqiy maslahat berilib, 15 ta sayyor notarial harakat qayd etilgan. 

Shuningdek, davlat xizmatlari markazlari tomonidan 11 ta sayyor davlat xizmatlari ko‘rsatilgan hamda FHDYo bo‘limi xodimlari tomonidan nikohni qayd etish, tug‘ilganlikni rasmiylashtirish masalalari bo‘yicha 22 nafar fuqaroga huquqiy maslahat berilgan.