Toshkent shahrida masjidlarga yaqin bo‘lgan yo‘llarda transportlar harakati vaqtincha cheklanadi

Muqaddas Ramazon oyi kechalaridagi taroveh namozi munosabati bilan har kuni 18:00 dan 23:00 ga qadar masjidlar yaqinidagi yo‘llar transport vositalari harakati uchun berkitiladi. Bu haqda Toshkent shahar IIBB xabar bermoqda.

Bunda:
Lutfiy ko‘chasi (faqat masjid tomoni, qarama qarshi tomon harakat uchun ochiq bo‘ladi) Katta Qani ko‘chasi bilan kesishmadan Katta Xirmontepa ko‘chasi bilan kesishgan yo‘lgacha;

Ko‘kcha Darvoza ko‘chasi Beshqayrag‘och ko‘chasidan Nurafshon ko‘chasigacha;

Keles ko‘chasi Noraztepa ko‘chasidan Gulsaroy ko‘chasigacha;

Kamolon ko‘chasi Samarqand Darvoza ko‘chasidan Bunyodkor ko‘chasigacha;

Al-Xorazmiy ko‘chasi Katta Qani ko‘chasidan Katta Xirmontepa ko‘chasigacha;

Qoraqamish-3 ko‘chasi Qoraqamish-1 ko‘chasidan Keles yo‘li ko‘chasigacha.

"Holatga qarab, namozxonlar soni ko‘payib ketgan taqdirda masjidga tutashgan boshqa yo‘llar ham yopilishi mumkin.

Haydovchilardan berkitilgan ko‘chalarni oldindan chetlab o‘tishni iltimos qilamiz", deyiladi xabarda.