Chempionlar orasidagi debyutant. OKMK OChL rekordchisi, tarkibiga Jovinko sig‘magan «Al Hilol»ga qarshi

14 aprel kuni klublar o‘rtasidagi qit'aning eng nufuzli turniri – Osiyo Chempionlar ligasi «G‘arb» mintaqasida guruh bosqich o‘yinlariga start berildi. «V» guruhi 1-turida O‘zbekiston chempioni «Paxtakor» Eronning «Traktor» jamoasi bilan durang (3:3) qayd etgan bo‘lsa, bugun, 15 aprel oqshomida mamlakatimiz sharafini ilk bor OChL guruh bosqichida himoya qiladigan OKMK klubi turnirning final bosqichidagi debyutini o‘tkazadi.