«O‘quvchilarga hijobda emas, ro‘molda kelish mumkinligi tushuntirildi» - Namangan viloyat IIB internetda tarqalgan surat bo‘yicha izoh berdi

Bir necha kun avval ijtimoiy tarmoqlarda bir guruh ro‘mol o‘ragan o‘quvchi qizlar Ichki ishlar organlari xodimasi qarshisida tik turgani aks etgan surat tarqaldi. Ijtimoiy tarmoq foydalanuvchilari rasmlar davlat tashkilotlarining rasmiy saytlarida o‘quvchilar «huquqbuzarlik sodir etishga moyil bo‘lgan voyaga yetmagan o‘quvchi qizlar» deya e'lon qilingani, keyinchalik o‘chirib yuborilganidan xavotirlarini bildirishgan.