Hindistondagi vaziyat: har kuni minglab odam o‘lmoqda, dafn gulxanlari tun-u kun yonmoqda

Hindistonda qatorasiga to‘rtinchi kun koronavirus bilan kasallanish bo‘yicha kunlik holatlar rekord qayd etdi - so‘nggi bir kunda 360 mingdan ortiq yangi holatlar aniqlandi. Mamlakatda har kuni minglab kishilar kasallik qurboni bo‘lmoqda. Rasmiy ma'lumotlarda bu raqam - uch mingga yaqin, ammo mahalliy aholi ko‘rsatkichlar bundan ham yomonroqligini aytmoqda.