Farg‘onadan 10 ta mamlakatga gilos eksport qilish boshlandi

Farg‘ona viloyati bojxona boshqarmasining «Vodiy», «Marg‘ilon» va «Quvasoy» tashqi iqtisodiy faoliyat bojxona postlarida Rossiya, Qirg‘iziston va Qozog‘istonga chiqarilayotgan gilos eksport bojxona rejimiga rasmiylashtirildi.

Farg‘ona viloyati bojxona boshqarmasi tomonidan 2020 yilda qiymati 30 million dollarga teng 13 ming 360 tonna gilos eksport bojxona rejimiga rasmiylashtirilgan.

Gilos asosan Rossiya, Xitoy, Koreya, Litva, BAA, Polsha, Ukraina, Belgiya, shuningdek, qo‘shni Qirg‘iziston va Qozog‘istonga eksport qilingan.

Ma'lumot uchun, 2020 yil 1 iyun holatiga ko‘ra, O‘zbekiston 48 million dollarga teng bo‘lgan jami 23,5 ming tonna gilos mevasini 11ta xorijiy mamlakat bozorlarida sotgan. Ushbu mamlakatlar orasida Qozog‘iston 12,4 ming tonna, Rossiya 6,7 ming tonna, Qirg‘iziston 4,1 ming tonna bilan yuqori ulushga ega bo‘lgan.