Qarshi shahrining sobiq vaqtincha hokimi hokimlikda ish boshladi

Po‘latov Jahongir Zokirovich joriy yilning yanvar oyida tajriba sifatida Qarshi shahar hokimi vazifasini vaqtincha bajaruvchi etib tayinlangandi.

 Qashqadaryo viloyat hokimligi axborot xizmatining xabar berishicha, Jahongir Po‘latov - Qarshi shahar hokimining sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha o‘rinbosari yetakchi mutaxassisi etib tayinlangan.

Jahongir Po‘latov shu paytgacha Qarshi shahridagi «Albamax» MChJ ijrochi direktori vazifasida ishlab kelayotgan edi.

Ma'lumot uchun, avvalroq yanvar oyida 10 kun davomida Shahrisabz shahri hokimi vazifasini vaqtincha bajargan Sabrina Tursunova ham rahbarlik lavozimiga tayinlangandi.