Paxtachida yo‘lni sababsiz to‘sib qo‘ygan «kattakon»larga signal chalgan haydovchining mashinasi asossiz jarima maydoniga joylashtirildi

Samarqand viloyati Paxtachi tumanida IIBga tegishli xizmat mashinasi tuman markazidagi asosiy ko‘chaga chiquvchi mahalla yo‘lini sababsiz to‘sib to‘xtagan. Shu joyda mashinalar oqimi o‘tib ketishini kutib turgan haydovchilardan biri asosiy yo‘lga chiqa olmay signal chalgan. Shundan so‘ng tuman IIB YHXB boshlig‘i kelib, haydovchining hujjatlarini olgan va «nega signal chalib ‘kattakon’larni bezovta qilasan?» deb mashinani asossiz jarima maydoniga joylashtirgan.