Pop - Namangan - Andijon temir yo‘l liniyasi poyezdlar harakati uchun vaqtincha to‘xtatiladi   

Pop — Namangan — Andijon temir yo‘l liniyasini elektrlashtirish obektidagi Namangan — Chortoq bekatlari oralig‘idagi ko‘prik qayta ta'mirlanishi sababli joriy yil 17 maydan 7 iyungacha qurilish montaj ishlari olib boriladi. Ushbu vaqt oralig‘ida yuk va yo‘lovchi poyezdlar harakati vaqtincha to‘xtatiladi.

Bu haqda Andijon viloyati transport boshqarmasi axborot xizmati xabar bermoqda.

Toshkent — Namangan — Andijon yo‘lovchi poyezdlar qatnovi Toshkentdan Namangan bekatigacha hamda Qo‘qon — Namangan — Andijon shaharlararo qatnovchi elektropoyezd Namangan bekatigacha amalga oshiriladi.

Yuk va yo‘lovchi tashish poyezdlarining yo‘nalishi Pop — Qo‘qon — Marg‘ilon — Andijon yo‘nalishi bo‘yicha tashkil etiladi.