«Uzbekistan Airways» Samarqand-Almati-Samarqand muntazam qatnovini yo‘lga qo‘yadi

«Uzbekistan Airways» Samarqand-Almati muntazam qatnovini yo‘lga qo‘ymoqda. Bu haqda aviakompaniyaning Telegram’dagi rasmiy kanalida xabar berilgan.

Ma'lum qilinishicha, «Uzbekistan Airways» 8 iyundan boshlab, Samarqand-Almati-Samarqand yo‘nalishi bo‘yicha muntazam parvozlarni boshlaydi. Qatnovlar haftada ikki marta, seshanba va shanba kunlari amalga oshiriladi.

Qayd etilishicha, chiptalar narxi: Samarqand-Almati yo‘nalishida 1 088 000 so‘mdan,

Samarqand-Almati-Samarqand yo‘nalishida 1 892 000 so‘mdan boshlanadi.