Lukashenko G‘arbga narkotrafik va migratsiyani nazorat qilishni to‘xtatish bilan tahdid qildi

U shuningdek, YeIning Belarus aviatsiyasi parvozlarini taqiqlaganiga ham izoh berdi.

Belarus prezidenti Aleksandr Lukashenko bundan buyon G‘arb mamlakatlari Belarus bilan chegaradagi narkotrafik va noqonuniy migratsiya ustidan nazoratni o‘zlari amalga oshirishini aytdi.

«Biz giyohvand moddalar va migrantlarni to‘xtatib turgandik – endi ularni o‘zingiz yeysiz va ushlaysiz», dedi Lukashenko.

U shuningdek, YeIning Belarus aviatsiyasi parvozlarini taqiqlaganiga ham izoh berdi.

«Xavfsiz Belarus ustidan uchish yoqmasa, 300 kishi o‘lgan joydan uching (Ukraina nazarda tutilmoqda – tahr.)», dedi u.

23 may kuni Lukashenkoning buyrug‘i bilan harbiylar Afinadan Vilnyusga yo‘l olgan Ryanair aviakompaniyasi samolyotini Minskka qo‘ndirishdi.

Samolyot bortida Belarus hukumatiga qarshi namoyishlarni faol yoritgan va muxolifatchilarning birinchi raqamli resursiga aylangan Nexta Telegram-kanalining sobiq bosh muharriri Roman Protasevich va uning sevgan qizi bor edi — samolyot qo‘nganidan keyin ular qo‘lga olindi, qolgan yo‘lovchilar esa yetti soatdan keyin parvozni davom ettirish uchun qo‘yib yuborildi.

Bu hodisa xalqaro inqirozli holatni keltirib chiqardi. Aviakompaniyalar Belarusni aylanib o‘tgan holda uchishga qaror qilmoqda.

#Aleksandr Lukashenko #Belarus

Minskda Nexta muxolifatchi Telegram-kanali sobiq muharriri Roman Protasevich qo‘lga olindi. U uchayotgan samolyot bomba haqidagi xabar tufayli Belarusga favqulodda qo‘ndirildi. Qo‘nish haqidagi qarorni Lukashenkoning shaxsan o‘zi «Yevropani himoya qilish» uchun qabul qilgan