Ispaniyada ko‘chada niqob taqish rejimi bekor qilinadi

Ispaniyada 3,7 milliondan ortiq kishi koronavirus yuqtirgan, 80,6 ming bemor vafot etgan.

Foto: Pau BARRENA / AFP

Ispaniyada 26 iyundan ko‘chada niqob taqmasdan yurishga ruxsat berildi. Bu haqda mamlakat bosh vaziri Pedro Sanches ma'lum qildi, deb xabar bermoqda El Pais nashri.

«Shanba, 26 iyundan boshlab ochiq havoda niqob taqish majburiy bo‘lmaydi», — dedi Sanches.

Ispaniyada 3,7 milliondan ortiq kishi koronavirus yuqtirgan, 80,6 ming bemor vafot etgan. Oxirgi sutkada kasallik yuqtirish bilan bog‘liq 4197ta yangi holat qayd etilgan.

Avvalroq Fransiya va Avstriyada cheklov choralari yengillashtirilgandi.