JSST koronavirusning «delta plyus» shtammi ko‘chada ham yuqishi mumkinligidan ogohlantirdi

Jahon sog‘liqni saqlash tashkiloti koronavirusning yangi «delta plyus» variantini ko‘chada ham yuqtirish mumkinligidan ogohlantirdi. Bu haqda JSST vakili Melita Vuynovich ma'lum qildi.

«Hindistondan olingan dastlabki ma'lumotlarga ko‘ra, kasallik yuqishi uchun bemor yonidan niqobsiz o‘tish yetarli», – dedi Vuynovich.

Uning aytishicha, mazkur shtamm xavotir uyg‘otmoqda.

Avvalroq JSST katta ilmiy xodimi Sumya Svaminatan koronavirusning delta-varianti butun dunyoni egallayotganini aytgandi.

Ma'lumot berilishicha, virusning ushbu turi 80dan ortiq mamlakatda aniqlandi va tarqalish jarayonida mutatsiyaga uchrashda davom etmoqda.