Qoʻshimcha funksionallar
-
Tungi ko‘rinish
O‘zbekiston va Rossiya Afg‘onistondagi vaziyat yomonlashayotganidan xavotir bildirdi
9 iyul kuni O‘zbekiston Respublikasi tashqi ishlar vaziri Abdulaziz Komilov Rossiya tashqi ishlar vaziri Sergey Lavrov bilan telefon orqali muloqot qildi.
Sergey Lavrov va Abdulaziz Komilov
Suhbat chog‘ida O‘zbekiston-Rossiya hamkorligi masalalari muhokama qilindi. Mintaqaviy xavfsizlik, jumladan, Afg‘onistondagi vaziyat yuzasidan fikr almashildi. Ikki tomon Afg‘onistondagi vaziyat yomonlashayotganidan xavotir bildirdi.
Muloqot vaqtida Markaziy Osiyoda barqarorlik va xavfsizlikni mustahkamlash bo‘yicha qo‘shimcha choralar ham ko‘rib chiqildi.
Komilov va Lavrov, shuningdek, kelgusiga rejalashtirilgan birgalikdagi tadbirlarga tayyorgarlik ko‘rish masalalarini muhokama qilishdi. Bunday tadbirlar orasida Shanhay hamkorlik tashkilotiga a'zo davlatlar tashqi ishlar vazirlarining Dushanbeda 13-14 iyulda o‘tadigan uchrashuvi va Toshkentda 15-16 iyulda o‘tadigan “Markaziy va Janubiy Osiyo: mintaqaviy bog‘liqlik. Tahdidlar va imkoniyatlar” anjumani bor.
Avvalroq Rossiya tashqi ishlar vaziri Afg‘onistondagi jangovar harakatlar Tojikiston hududiga o‘tishi mumkinligidan xavotir bildirgandi.
AQShning Afg‘onistondan ketishi
Mavzuga oid
14:39 / 24.05.2025
Lavrov: Rossiya Vatikanda Ukraina bilan muzokara olib bormaydi
23:03 / 23.05.2025
Rossiya asirlar almashinuvi yakunlanishi bilan Ukrainaga o‘zining tinchlik shartlarini taqdim etadi - Lavrov
12:24 / 22.05.2025
Lavrov Yevropani AQShga sanksiyalarni kuchaytirish uchun bosim o‘tkazishda aybladi
21:58 / 21.05.2025