Qashqadaryoda mashina olib qochgan shaxs uni ag‘darib YTH sodir etdi

Qashqadaryo viloyati Qamashi tumanida qarovsiz qoldirilgan «Damas» mashinasini olib qochgan shaxs uni ag‘darib yo‘l-transport hodisasi sodir etgan. Bu haqda viloyat IIB axborot xizmati xabar bermoqda.

Ma'lum qilinishicha, 2021 yil 7 iyul kuni Shahrisabz tumani «Toshbuloq» MFYda yashovchi A.A. Qamashi tumani «Mang‘it» MFYda joylashgan oshxona oldida turgan Qamashi tumani «O‘zbekiston» MFYda yashovchi B.M.ga tegishli bo‘lgan «Damas» mashinasini olib qochib ketgan. So‘ng Qamashi tumani «Mang‘it» MFY hududida boshqaruvini yo‘qotib, «Damas» ag‘darilib ketgan.

Dastlabki surishtiruvda aniqlanishicha, «Damas»ning egasi uni qarovsiz holda qoldirgan. A.A. uning kaliti o‘zida qoldirilganidan foydalanib, mashinani olib qochib ketgan.

Mazkur holat yuzasidan Qamashi tumani IIB huzuridagi tergov bo‘limi tomonidan A.A.ga nisbatan Jinoyat kodeksining 267-moddasi 1-qismi bilan jinoyat ishi qo‘zg‘atilgan.

Navoiyda uch kishi mashina olib qochdi. Ular orasida 17 yoshli qiz ham bor

Farg‘onada kuyov sobiq qaynonasining mashinasini olib qochib ketdi