Suvayshni to‘sib qo‘ygan Ever Given kemasi 4 oydan keyin o‘z yo‘lini davom ettirdi

7 iyulda kema Misr sudi solgan taqiqdan ozod qilingandan keyin kanalning Katta va Kichik sho‘r ko‘llari o‘rtasidagi qismidan O‘rta Yer dengiziga chiqqan. Shu kuni kanal rahbariyati va kemaga egalik qiluvchi kompaniya Misrning Ismoiliya shahrida sulh imzolagan.

Biroq kema o‘z egasining iltimosiga ko‘ra Port-Saidda kompleks texnik ko‘rikdan o‘tkazish uchun to‘xtatilgan. Tekshiruvlar yakunlangach, kema o‘z yo‘lini davom ettirgan.

Kompaniya, shuningdek, kema ekipajining bir qator a'zolarini, jumladan sardorni o‘zgartirgan.

Ever Given 23 mart kuni Suvayshda sayozlikka o‘tirib qolib, u orqali harakatni 6 kunga to‘liq to‘xtatib qo‘ygandi. Kemani 29 martdagina joyidan siljitishga muvaffaq bo‘lingan. Bu vaqt ichida kanalning ikki tomonidan umumiy tonnaji 26 mln tonnani tashkil qiluvchi 422ta kemadan iborat navbat yuzaga kelgan.