Rossiyada S-500 zenit-raketa tizimi sinovdan o‘tkazildi – video

Sinov davomida havo hujumidan mudofaa majmuasi katta tezlikdagi ballistik nishonni yo‘q qilgan.

Rossiya mudofaa vazirligi Kapustin Yar poligonida yangi S-500 zenit-raketa tizimini sinovdan o‘tkazdi.

Xabar qilinishicha, sinov davomida havo hujumidan mudofaa majmuasi katta tezlikdagi ballistik nishonni yo‘q qilgan.

Mudofaa vazirligining bildirishicha, dastlabki S-500 tizimi Moskva viloyatidagi havo va raketa hujumidan mudofaa birlashmasiga yetkazib beriladi.

S-500 «Prometey» — ballistik, qanotli raketalar hamda aerodinamik nishonlarni yo‘q qilishga mo‘ljallangan majmua. U 600 km masofadagi nishonni yo‘q qila oladi. Harbiy kosmik kuchlar qo‘mondoni general-polkovnik Sergey Surovikinning so‘zlariga ko‘ra, yangi tizim kosmosdagi obektlarni (shu jumladan, gipertovushli raketalarni) ham urib tushirishga qodir.