Qoʻshimcha funksionallar
-
Tungi ko‘rinish
Moskva oblastida yuz bergan mushtlashuvda O‘zbekiston fuqarolari ishtirok etmagan - Migratsiya agentligi
Tashqi mehnat migratsiyasi agentligi Moskva oblastida mehnat migrantlari ishtirokida yuz bergan mushtlashuv haqida tarqalgan xabarlar yuzasidan rasmiy ma'lumot berdi.
Ommaviy axborot vositalari va ijtimoiy tarmoqlarda Moskva oblastidagi kafelardan birining yaqinida mehnat migrantlari o‘rtasida mushtlashuv yuz bergani va o‘q ovozlari eshitilgani haqida xabarlar tarqaldi.
Vaziyatga oydinlik kiritish maqsadida Tashqi mehnat migratsiyasi agentligining Moskvadagi vakolatxonasi xodimlari Rossiya Federatsiyasi Ichki ishlar vazirligi axborot xizmati bilan bilan bog‘lanib, vaziyatni o‘rgandi, deyiladi agentlik xabarida.
Rossiya Federatsiyasi Ichki ishlar vazirligi ma'lumotlariga ko‘ra, ushbu mushtlashuv 18 iyuldan 19 iyulga o‘tar kechasi Moskva oblastida Aprelevka shahrida joylashgan "Xorosheye mesto" kafesi yaqinida Rossiya Federatsiyasining 10-15 nafar fuqarolari ishtirokida yuz bergan.
Tashqi mehnat migratsiyasi agentligi ma'lumotida aytilishicha, mazkur mojaroda O‘zbekiston Respublikasi fuqarolari ishtirok etmagan.
Avvalroq, TASS huquqni muhofaza qilish organidagi manbasiga tayanib Moskva oblastidagi turar joy majmualaridan birining hovlisida migrantlar o‘rtasida mushtlashuv sodir bo‘lgani haqida xabar bergan. Guvohlar o‘q ovozini ham eshitishgan.
Mushtlashuvda yigirmaga yaqin migrant qatnashgani, ularning Markaziy Osiyo davlatlari fuqarolari ekani aytilgandi.
Mavzuga oid
18:56 / 02.04.2025
Rossiyada chet el fuqarolarini ro‘yxatga olish masalalari bo‘yicha yangi xizmat tashkil etildi
15:12 / 30.03.2025
Tailandga ishlash uchun borib, og‘ir kasallikka chalingan O‘zbekiston fuqarosi vatanga qaytarildi
11:33 / 29.03.2025
Benilyuks mamlakatlari O‘zbekistondan mehnat migrantlarini ishga jalb qiladi
10:37 / 24.03.2025