Bir viloyatda o‘n minglab «stolba» avariya holatida. Simyog‘ochlar monopoliyasi tizimning «sehrli tayoqchasi»mi?

Bugungi kunda O‘zbekistonda elektr energiyasini sifatli tarzda aholiga yetkazib berish eng og‘riqli masalalardan biri ekani shubhasiz. Umuman, yillar ortidan yillar o‘tyaptiki, tizimdan aholi rozi bo‘lmayapti, mo‘'tadillik yo‘q. Sohada aholi va biznes vakillarining eng oddiy ehtiyojlarini-da qondirib bera oladigan darajadagi jiddiy islohot kuzatilmadi. Kun.uz elektr energiyasi ta'minotidagi muammolarga sabab bo‘layotgan muammolarning bir bo‘lagi bo‘lgan – simyog‘ochlar masalasiga Samarqand viloyati misolida e'tibor qaratdi.