Turkiya g‘arbida yuz bergan yo‘l-transport hodisasida 14 kishi halok bo‘ldi

Turkiya g‘arbidagi Baliqasir shahri yaqinida yo‘lovchi avtobusi ishtirokida yuz bergan yo‘l-transport hodisasida 14 kishi halok bo‘ldi va yana 18 kishi jarohat oldi.

Foto: Getty Images

Ma'lum qilinishicha, Baliqasir-Edremit reysini amalga oshirgan avtobus soat 4.40da boshqaruvni yo‘qotib, ag‘darilib ketgan. Buning natijasida 11 kishi voqea joyida, 3 kishi esa shifoxonada jon bergan. 18 kishi jarohat olib, 5ta shifoxonaga yetkazilgan.

Ta'kidlanishicha, bu Turkiyada oxirgi 2 kun ichida avtobus ishtirokida yuz bergan ikkinchi yirik avtohalokatdir. 7 avgustda Manisa viloyatida yuz bergan yo‘l-transport hodisasida 9 kishi halok bo‘lgan.