O‘zbekistonga AstraZeneca vaksinasining yana bir partiyasi olib kelindi

O‘zbekistonga AstraZeneca vaksinasining yana bir partiyasi olib kelindi. Bu haqda Sanitariya-epidemiologiya xizmati xabar bermoqda.

Qayd etilishicha, bugun, 14 avgust kuni respublikaga COVAX dasturi doirasida Fransiyadan 276 480 doza AstraZeneca vaksinasi olib kelindi. 

Ma'lumot o‘rnida aytilishicha, mamlakatga keltirilgan jami vaksina miqdori 14 million 856 ming 540 dozaga yetdi.

Ulardan: 

• 370 000 dozasi "Sputnik V"; 
• 986 480 dozasi AstraZeneca;
• 10 500 000 dozasi ZF-UZ-VAC2001;
• 3 000 060 dozasi Moderna vaksinasidir.

Avvalroq, Germaniya hukumati SOVAX dasturi doirasida O‘zbekistonga 355 ming 200 doza vaksina yetkazib berishi xabar qilingandi.