Uzum yetishtirish bo‘yicha yetakchi hududlar ma'lum qilindi

2021 yilning 6 oyi davomida qancha uzum yetishtirilgani to‘g‘risida ma'lumot berildi.
 
Davlat statistika qo‘mitasi ma'lumotlariga ko‘ra, 2021 yilning yanvar - iyun oylarida 45 497 tonna uzum yetishtirilgan.

Uzum yetishtirish o‘tgan yilning mos davri bilan solishtirilganda o‘sish sur'ati 5,1 foizni tashkil qildi.

Uzum yetishtirishning yuqori hajmlari 24 ming tonna yoki umumiy yetishtirish hajmidan 52,7 foizi dehqon (shaxsiy yordamchi) xo‘jaliklarida qayd etildi.

Uzum yetishtirishning umumiy hajmiga nisbatan eng yuqori ulushga ega bo‘lgan hududlar:

• Surxondaryo viloyati – 30,1 foiz;
• Qashqadaryo viloyati – 13,9 foiz;
• Namangan viloyati – 11,8 foiz;
• Buxoro viloyati – 11,4 foiz.