Xitoyda koronavirus tarqalishi to‘xtagani ma'lum qilindi

Xitoyda iyuldan beri birinchi marta koronavirus xorijdan kelganlardagina aniqlandi. Mamlakat ichida birorta kasallanish holati qayd qilinmagan.

Bundan avval Xitoyda koronavirus tarqalishi avj olishi 20 iyulda qayd qilingandi. O‘shanda virus Nankin shahri aeroportining xorijdan kelgan samolyotni tozalagan xodimlarida aniqlangandi. Shundan keyin shaharda 1,2 mingtadan ko‘proq kasallanish holati tasdiqlangandi. Hukumat virus tarqalishini to‘xtatish uchun qat'iy lokdaun kiritgandi va shahar bilan transport aloqasini cheklagandi.

Xitoyda kasallik holatlari ko‘payishi virusning delta shtammi tarqalishi bilan bog‘langandi. Buning ortida Uhan shahrining 11 millionlik barcha aholisi koronavirusga tekshirib chiqilgandi.