Daniyada barcha karantin cheklovlari bekor qilinadi

Daniyada 10 sentyabrdan koronavirus epidemiyasi sababli kiritilgan barcha cheklovlar bekor qilinadi. Bu haqda Daniya Cog‘liqni saqlash vazirligi ma'lum qildi.

Hukumat aholini emlash darajasi yuqoriligi bois ana shunday qarorga keldi.

Mamlakat sog‘liqni saqlash vaziri Magnus Xoynikening so‘zlariga ko‘ra, Daniyada pandemiya “nazorat ostida”.

Ma'lumotlarga ko‘ra, mamlakatda aholining 80 foizdan ortig‘i koronavirusga qarshi emlangan. 

Daniyada koronavirus yuqtirish bilan bog‘liq 340 mingta holat qayd etilgan, 2,5 mingdan ortiq bemor vafot etgan.