Amerikalik harbiylar Afg‘onistondan ketish oldidan harbiy texnikani yaroqsiz holga keltirdi (video)

AQSh qurolli kuchlarining Afg‘onistonda xizmat qilgan harbiysi Maykl Marklend ijtimoiy tarmoqlarda amerikalik harbiylar Afg‘onistondan chiqib ketish oldidan harbiy texnika va qurilmalarni yaroqsiz holga keltirayotgani videosini ijtimoiy tarmoqlarda e'lon qildi.

31 avgustda AQSh o‘z qo‘shinlarini Afg‘onistondan olib chiqishni yakunlaganini e'lon qilgandi. AQSh prezidenti Jo Bayden odamlarni evakuatsiya qilish bo‘yicha amaliyotni uzaytirmaslikka qaror qilgan.

Pew Research Center o‘tkazgan so‘rovnomaga ko‘ra, amerikaliklarning deyarli 70 foizi AQShning Afg‘onistondagi amaliyoti natijalaridan norozilik bildirishgan. 26 foizgina amerikaliklar Bayden ma'muriyati Afg‘onistondagi vaziyatga yetarlicha to‘g‘ri javob berdi, deb hisoblashmoqda.