O‘zbekistonga 6 oyda kelgan chet el fuqarolarining asosiy qismi Qirg‘iziston va Qozog‘istondan bo‘lgan

O‘zbekistonga qaysi davlatlardan chet el fuqarolari tashrif buyurgani ma'lum qilindi. Davlat statistika qo‘mitasi tegishli ma'lumot bilan bo‘lishdi.

Qo‘mita xabariga ko‘ra, 2021 yil yanvar-iyun oylarida O‘zbekiston Respublikasiga kelgan chet el fuqarolarining asosiy qismi Qirg‘iziston Respublikasidan (265,9 ming kishi, barcha tashrif buyurganlarning 38,4 foizi) va Qozog‘iston Respublikasidan bo‘lgan (221,6 ming kishi, 32,0 foiz).

Bundan tashqari, Rossiya Federatsiyasidan 71,7 ming kishi (10,4 foiz), Tojikiston Respublikasidan 55,0 ming kishi (8,0 foiz) hamda Belarus Respublikasidan 1,8 ming kishi (0,3 foiz) tashrif buyurgan.