Tashabbusli budjet: Buxoro viloyatida 61 ta taklif tasdiqlandi

Moliya vazirligining «Ochiq budjet» axborot portaliga Buxoro viloyatida uchrayotgan kamchiliklar yechimiga mahalliy budjetdan pul ajratish bo‘yicha eng ko‘p ovoz olgan 61 ta taklif tasdiqlandi.

Tasdiqlangan takliflarning qariyb 10 tasi hududdagi maktablarni ta'mirlash, jihozlash bilan bog‘liq. Qolgan takliflar ichki yo‘llarni ta'mirlash, ko‘chalarga tungi chiroqlar o‘rnatish, ichimlik suv, madaniyat bo‘limlarini ta'mirlash, sport maydonchalari qurish kabilardan iborat.

Buxoro viloyati bo‘yicha «Tashabbusli budjet» loyihasiga qariyb 16,9 mlrd so‘m ajratilgan. G‘olib deb topilgan loyihalar tuman va shahar xalq deputatlari qarori bilan moliyalashtiriladi.