Norvegiyada kimsasiz orol sotuvga qo‘yildi

Norvegiya shimolidagi Nurlann provinsiyasida joylashgan Sture Futoya oroli sotuvga qo‘yildi, deb xabar berdi NRK telekanali.

Ma'lum qilinishicha, orolning boshlang‘ich narxi 2 million kronga teng (234 ming dollar).

Xabarga ko‘ra, oxirgi yuz yil davomida orolga bir oila egalik qilib kelmoqda, ammo o‘zlari u yerda yashamagan.

Orol egalari undan qanday foydalanishni bilmagani uchun sotuvga qo‘ygan.

Orolda qumli plyaj, tog‘ va kichik ko‘llar bor. Obekt kimoshdi savdosi 24 sentyabrda bo‘lib o‘tadi.