«Tolibon» o‘lim va barmoqlarni kesish jazolarini qayta joriy etadi

Nuriddin Turobiyning so‘zlariga ko‘ra, barmoqlarni kesish amaliyoti xavfsizlikka ijobiy ta'sir ko‘rsatadi va «tiyib turuvchi» omil vazifasini bajaradi.

«Tolibon» birinchi hukmronlik davridagi kabi o‘lim jazosi va barmoqlarni kesish amaliyotini yana joriy qiladi. Bu haqda jazoni ijro etish komissiyasi rahbari Nuriddin Turobiy Associated Press agentligiga bergan intervyusida aytdi.

U 1996-2001 yillarda «Tolibon» nazorati ostidagi adliya vazirligini boshqargan. U harakat islomiy jazolarni tiklash maqsadida ekanligini ma'lum qildi.

«Stadiondagi qatl uchun bizni hamma tanqid qilgandi, ammo biz hech qachon ularning qonun va jazolari haqida gapirmaganmiz. Qonunlarimiz qanday bo‘lishi kerakligini bizga hech kim aytmaydi. Biz islomga rioya qilamiz va qonunlarimizni Qur'onga asosan o‘rnatamiz», — deb ta'kidladi Turobiy.

Turobiyning so‘zlariga ko‘ra, barmoqlarni kesish amaliyoti xavfsizlikka ijobiy ta'sir ko‘rsatadi va «tiyib turuvchi» omil vazifasini bajaradi.

Qayd etilishicha, jazoni omma oldida ijro etish masalasi hozircha hukumat muhokamasida.

#Afg‘oniston #o‘lim jazosi