Kobul universitetining yangi rektori ayollarning ushbu ta'lim dargohida o‘qishini taqiqladi

Kobul universitetining yangi rektori Muhammad Ashraf G‘ayrat “haqiqiy islomiy tartib o‘rnatilmagunicha”, ayollarning ushbu ta'lim muassasasida o‘qishini taqiqladi. Bu haqda TASS xabar berdi.

“Barcha uchun haqiqiy islomiy muhit ta'minlanmaguniga qadar  ayollarga universitetda o‘qish yoki ishlashga ruxsat berilmaydi”, – deya G‘ayratning so‘zlaridan iqtibos keltirgan telekanal.

Avvalroq yangi hukumat ayol-qizlar erkak talabalardan alohida va islomiy kiyingan holda oliy o‘quv yurtlarida o‘qishi mumkinligini bildirgandi.

Muhammad Ashraf G‘ayrat 22 sentyabr kuni professor Muhammad Usmon Boburiy o‘rniga universitet rektori etib tayinlandi.