22 ming xonadonda yengil konstruksiyali issiqxonalar qurib beriladi - Shavkat Mirziyoyev

Andijon viloyatida 22 ming xonadonda yengil konstruksiyali issiqxonalar qurib beriladi. Bu haqda Shavkat Mirziyoyev ma'lum qildi.

“Buloqboshi tajribasi” asosida 145 ming xonadonda 2,5 ming gektar uzumzor barpo etiladi. Aholi tomorqalari suv ta'minotini yaxshilash orqali 5 mingdan ortiq aholi bandligi ta'minlanadi. Masalan, Marhamat, Ulug‘nor va Bo‘ston tumanlarida 60 ta katta hajmdagi quduqlar qazilib, 2,5 ming xonadon tomorqasining suv ta'minoti yaxshilanadi.
Yangi o‘zlashtiriladigan yerlar hamda Qo‘rg‘ontepa, Jalaquduq va Ulug‘norda paxta va g‘alla maydonlarini qisqartirish hisobidan ozuqa ekinlari maydoni 6,5 ming gektarga kengaytiriladi.
Bundan tashqari, har bir tumanda yiliga 2 mingta xonadonga 100 boshdan, besh yilda jami 14 million bosh parranda tarqatilib, aholining daromadi oshiriladi.
Shuningdek, 6 ta baliqchilik klasterlari tashkil etiladi hamda 2,5 ming gektar suv havzalaridagi hosildorlik 4-5 barobar oshiriladi”, dedi prezidentlikka nomzod.