Tadbirkorlar «maska-shou»lar qaytarilmasligi konstitutsiya bilan kafolatlanishini istashyapti – Shavkat Mirziyoyev

Andijonda saylovchilar bilan uchrashayotgan prezidentlikka nomzod Shavkat Mirziyoyev tadbirkorlar konstitutsiyani o‘zgartirishni so‘rashayotgani haqida ma'lum qildi. Bu haqda Kun.uz muxbiri xabar bermoqda.

“Tadbirkorlar hatto konstitutsiyamizni o‘zgartirishni so‘rashyapti. Ular o‘z huquqlari ta'minlanishini, oldingi “maska-shou”lar qaytarilmasligi konstitutsiya bilan kafolatlanishini istashyapti.

Kecha Namanganda bir tadbirkor 80 million dollar aylanma mablag‘i borligini aytdi. Ancha-muncha banklarda ham bunday mablag‘ yo‘q. Bunday tadbirkorlar Andijonda yo‘qmi? Bor! Bo‘lsin bunday boylar, bemalol ishlasin.

Bir narsani unutmanglar – xalq boy bo‘lmasa, davlat boy bo‘lmaydi”, – dedi Shavkat Mirziyoyev Andijondagi uchrashuvda.