Qoʻshimcha funksionallar
-
Tungi ko‘rinish
Hindiston 15 oktyabrdan sayyohlarga kelishga ruxsat berdi
Hindiston ichki ishlar vazirligi 15 oktyabrdan mamlakatga charter reyslar bilan keluvchi xorijliklarga sayyohlik vizalari berishni boshlaydi. Shu bilan birga vazirlikda ta'kidlanishicha, Hindistonga charter reyslar bilan kelmaydiganlarga vizalar bir oy keyinroq - 15 noyabrdan beriladi.
Foto: globestravel
Mamlakatga keluvchilar, ularni yetkazuvchi kompaniyalar Hindistonda koronavirusga qarshi amal qiluvchi barcha me'yorlar va bayonnomalarga rioya qilishlari lozim.
Hindiston hukumati pandemiya sababli 2020 yil martdan barcha turistik vizalar berilishini bekor qilgandi. Ayni vaqtda xorijliklar mamlakatga amaliy, tibbiy yoki boshqa viza bilan kelishlari mumkin.
Ma'lumotlarga ko‘ra, mamlakatda 50 mlnga yaqin odam turistik sohada faoliyat yuritgan. Turizmning mamlakat iqtisodiyotiga qo‘shadigan hissasi yalpi ichki mahsulotning 10 foizini tashkil qilgan. Jumladan, Goa shtati Hindistonning xorijliklar eng ko‘p tashrif buyuruvchi joylaridan biri bo‘lgan.
Ma'lum qilinishicha, Hindistonga keluvchi sayyohlar xorijiy pasportga va tashrifdan oldin 72 soat ichida olingan manfiy PZR-testga ega bo‘lishlari kerak. Bu koronavirusga qarshi emlanganlarga ham taalluqli bo‘ladi.
Avvalroq Hindiston bosh vaziri Narendra Modi chegaralar ochilgandan keyin birinchi 500 mingta turistik viza bepul berilishini ma'lum qilgandi.
Mavzuga oid
20:44 / 01.04.2025
Hindiston Trampning «ikkilamchi bojlar» tahdididan so‘ng Rossiya neftiga muqobil izlashni boshladi
22:09 / 26.03.2025
Hindiston va Xitoy Trampning tahdidi sabab Venesueladan neft sotib olishni to‘xtatdi
20:08 / 25.03.2025
Hindiston Samsungʼdan 601 mln dollarlik soliq qarzini to‘lashni talab qildi
11:39 / 25.03.2025