Toliblar majburlab davolayotgan giyohvandlar, erini kasalxonadan olib chiqqan Klinton va talabalar o‘rtasida «ko‘pik urushi». Kun suratlari

Toliblar giyohvandlikka qarshi jiddiy kurashga kirishdi. Ular Kobulda yuzlab giyohvandlar to‘planadigan ko‘prik ostini tozalashdi va u yerdagilarning aksar qismi kuch bilan reabilitatsiya markaziga olib kelindi. Ular bu yerda 45 kun davomida saqlanadi.

Kobulda ming o‘rinli shifoxona avvalgi rejim vaqtida ochilgan, ammo hokimiyat «Tolibon» qo‘liga o‘tganidan keyin yangi hukumat giyohvandlar to‘planadigan hududlarga reydlar uyushtira boshladi va ularni majburlab davolashga kirishdi. Bunday «narkomanlar ko‘priklari» — narkosavdo hamda jinoyatchilik o‘chog‘i bo‘lib kelgan.

Markazda bemorlarning dastlab sochi olib tashlanadi, quyosh ostida qizdiriladi va ularga og‘riq qoldiruvchi metadon moddasi beriladi. Ko‘plar bu yerga bir necha marta olib kelinishi mumkin. 

12 oktabr kuni AQSh sobiq prezidenti Bill Klinton  qonga infeksiya tushishi (sepsis) tufayli kasalxonaga yotqizilgandi. U antibiotiklar bilan davolandi, dorilar unga ijobiy ta'sir qildi va 17 oktabr kuni unga javob berildi.