Shaharlararo elektropoyezdlarning harakat jadvali o‘zgardi

Joriy yil 29 oktyabrdan boshlab, Toshkent-Xo‘jakent-Toshkent va Toshkent-Bekobod-Toshkent yo‘nalishida harakatlanayotgan shaharlararo elektropoyezdlar harakat jadvali o‘zgartiriladi.

Foto: O‘ztemiryo‘lyo‘lovchi

“O‘ztemiryo‘lyo‘lovchi” xabariga ko‘ra, Toshkent -Xo‘jakent yo‘nalishida harakatlanadigan 6435-sonli elektropoyezd 29 oktyabrdan soat 13:44da harakatlanadi.

Shuningdek, Xo‘jakent-Toshkent yo‘nalishida harakatlanadigan 6436-sonli elektropoyezd soat 16:20da harakatlanadi.

Bundan tashqari:

Toshkent - Xo‘jakent yo‘nalishida harakatlanadigan 6437-sonli elektropoyezd soat 17:00da;
Bekobod-Toshkent yo‘nalishida harakatlanadigan 6449-sonli elektropoyezd soat 06:55da;
"Toshkent-Bekobod" yo‘nalishida harakatlanadigan 6450-sonli elektropoyezd 2 noyabrdan boshlab, Xovos stansiyasigacha amaldagi jadval bo‘yicha, Xovos stansiyasidan soat 19:37da harakatlanadi.

Qo‘shimcha ma'lumotlarni Toshkent shahrida 1005 qisqa telefon raqami, joylardagi temiryo‘l kassalari hamda ma'lumotlar byurosidan bilib olish mumkinligi aytilgan.