Boks. Asadxo‘ja Mo‘ydinxo‘jayev chorakfinalda jahon chempionatidagi ishtirokini to‘xtatdi

-67 kg vazn toifasidagi o‘zbekistonlik charm qo‘lqop ustasi chorakfinal bosqichida Yaponiya vakili Sevonrets Okazavaga qarshi ringga ko‘tarildi. Jang davomidagi uch raundda ham hakamlar kunchiqar mamlakat vakilining ustunligini qayd etishdi va shu tariqa Mo‘ydinxo‘jayev mag‘lubiyatga uchradi.

Asadxo‘ja birinchi bosqichda irlandiyalik raqibi to‘sig‘idan o‘tgan bo‘lsa, 1/8 finalda falastinlik Ahmad Hararaga hech qanday imkoniyat qoldirmagandi. 1/4 finalda esa Sevonrets Okazavaga mag‘lub bo‘lib, turnirdagi ishtirokini to‘xtatishga majbur bo‘ldi. 

Ma'lumot uchun, bugun, 1 noyabr kuni yana 3 nafar o‘zbekistonlik bokschi ringga ko‘tariladi:

• -75 kg: Saidjamshid Jafarov - Mirsharif Kozimzoda (Ozarboyjon) (19:20 dan so‘ng)
• -63,5 kg: Mujibillo Tursunov - Chu-Yen Lai (Xitoy Taypeyi) (23:10 dan so‘ng)
• -80 kg: Odiljon Aslonov - Robbi Gonsales (AQSh) (00:30dan so‘ng).